A nosa vocación internacional nace en 1994, cando se crea o Departamento de Relacións coa Unión Europea, e abrimos a nosa Delegación en Bruxelas. Isto é o resultado da proxección europea que nos estaba demandando o traballo e o labor de consultoría desenvolvida para, e con os nosos clientes.

Un ano máis tarde, en 1995, comezamos a nosa actividade de consultoría en América Latina. Actualmente mantemos acordos de colaboración permanente con oficinas e despachos de practicamente todo o continente, e colaboramos estreitamente con países como, México, Brasil, Arxentina, Venezuela e Uruguay.

Así mesmo, dende comezos de 2003, vimos desenvolvendo o noso labor de consultoría en Europa do Este. Polonia e a República Checa, son os países nos que contamos con acordos de colaboración, o que supón a nosa presenza nesta área xeográfica que ofrece interesantes oportunidades de negocio.

Realizamos con éxito diferentes tipos de traballos de consultoría estratéxica dentro da Área Internacional: prospección, busca de contactos e socios para inversión en mercados exteriores, programación de axendas de traballo en Feiras Internacionais, etc.

Ofrecemos:

    * Apertura de novos mercados

    * Estudos de mercado sectoriais

    * Viaxes de prospección

    * Participación en feiras comerciais e preparación de axendas de traballo

    * Busca de potenciais clientes, axentes e distribuidores Seguimento e peche de negocios Inversións no exterior.